--- يذاع برنامج اتبعني انت الموسم الثالث على قناة الكرمة يوم السبت الساعه 9.30 م ...والثلاثاء 5 ص ...و الاثنين 2.30 ظ ....وعلي قناة الملكوت سات يوم الاحد الساعة 4.45 الي 5.30 صباحاً ..ومن 10.45 الي 11.30 ظهراً .... ومن  4.45 الي  5.30 مساءاً ... ومن  10.45 الي 11.30 ليلأ--....... شاهدنا علي قناة الكرمة برنامج " جه وقتك " البث المباشر كل يوم خميس الساعة 9.30 م بتوقيت القاهرة ...الاعادة السبت 1.30 ظهرا وعلي قناة الكرمة 2 السبت 8 مساءا والاحد 9 صباحا ----

الامتحان

 

 

 

" وَحَدَثَ بَعْدَ هذِهِ الأُمُورِ أَنَّ اللهَ امْتَحَنَ إِبْرَاهِيمَ " تكوين 22 : 1

يا تري ليه ربنا امتحن ابراهيم ؟ هل الله مكنش عارف ايه اللى فى قلب ابراهيم ؟ وذنب اسحق ايه انه يدخل فى تجربة زي دي ويشوف الاب الحنون وهو بيرفع ايده عشان يقتل ابنه وحيده ؟

يا تري ايه اللى كان بيدور فى فكر وقلب ابراهيم لما ربنا قله خد ابنك وحيده الذى تحبه اسحق وقدمه لى ذبيحة محرقة ؟

 اسئلة كتير ممكن نسألها ونقاط كتير ممكن نطرحها

لكن هكتفي بأمرين

الاول : امتحان المؤمن

الله بيمتحن المؤمن لينقيه ويظهر ما بداخله من كنوز وضعها الرب في علاقته مع  الانسان

نشوف الله بيقول عن ابراهيم بعد الامتحان ( الآنَ عَلِمْتُ أَنَّكَ خَائِفٌ اللهَ ) فقد كان خوف الله فى قلب ابراهيم

كمان نشوف ايوب وهو بيقول " لأَنَّهُ يَعْرِفُ طَرِيقِي. إِذَا جَرَّبَنِي أَخْرُجُ كَالذَّهَبِ." ايوب 23 : 10

فالامتحان يظهر ما بداخل المؤمن

( لِكَيْ تَكُونَ تَزْكِيَةُ إِيمَانِكُمْ، وَهِيَ أَثْمَنُ مِنَ الذَّهَبِ الْفَانِي، مَعَ أَنَّهُ يُمْتَحَنُ بِالنَّارِ، تُوجَدُ لِلْمَدْحِ وَالْكَرَامَةِ وَالْمَجْدِ عِنْدَ اسْتِعْلاَنِ يَسُوعَ الْمَسِيحِ  ) بطرس الاولي 1 : 7

 

الثاني : ثقة ابراهيم فى الرب

ثقة ابراهيم فى محبة وصلاح الله وصدقه فى مواعيده جعلته يثق ان الله قادر ان يقيمه من الاموات ، فامن بالله الذى يحي الموتى و يدعو الاشياء الغير موجودة وكأنها موجودة ( رومية 4 )

اعتقد اسحق اتعلم درس كويس فى صباه وهو ( ينبغي ان يطاع الله )

عرف يعني ايه ايمان ، شاف حنية الله لما قال لابراهيم لا تمد يدك الى الغلام ولا تفعل به شيئا ، الله لا يقبل الذبائح البشرية ، ولكنه يجب ان يأخذ المكانة الاولي فى حياة الانسان فهو مركز الحياة ومصدرها وواهبها ويستحق ان يكون هو الاول وكل شىء بعد ذلك

 

هل الله هو مركز حياتك وأهم من فيها ؟ راجع نفسك ورتب أولوياتك وتأكد مش هتخسر وابقي افتكر اللى حصل مع ابراهيم

 

عماد مجدي

 

 

comments

لدعم الخدمة ماديا اضغط هنا

x

" لاَ يَكُونُ عَقِيمٌ وَلاَ عَاقِرٌ فِيكَ وَلاَ فِي بَهَائِمِكَ.  وَيَرُدُّ الرَّبُّ عَنْكَ كُلَّ مَرَضٍ" (سفر التثنية 7:15)

Developed in conjunction with Ext-Joom.com