--- تابعونا في برنامج شبابي جديد "واقع تاني" علي قناة الكرمة 1 الجمعة الساعة 1 ظهرا والسبت 2 صباحا والثلاثاء 6.30 مساءا   --....... شاهدنا علي قناة الكرمة برنامج " جه وقتك " البث المباشر كل يوم خميس الساعة 9.30 م بتوقيت القاهرة ...الاعادة السبت 3 ظهرا وعلي قناة الكرمة 2 السبت 9 مساءا والاحد 10 صباحا ----

شاشة الموبايل اتكسرت

 


قال لى اخ خادم من حوالي خمس شهور ، في شهر مارس اللي فات ، وانا نازل من شغلي وبتكلم في التليفون ، وقع من ايدي على السلالم والشاشه اتكسرت ، حاولت اشغله لكن منفعش
روحت البيت بصراحه متضايق لإنه مكملش معايا شهر وكان سعره عالي حبتين
لقيت ابويا بيقولي كلمتك ومردتش ، حكيتله اللي حصل
قالي الحمدلله انه اتكسر ، طلبتك اكتر من عشر مرات علشان تستلملي نتايج التحاليل من برج الأطباء وانت راجع في طريقك ومعرفتش اوصلك

ولسه على النشرة بيقولوا لقوا قنبله مرمية جنب البرج وملحقوش يبطلوا مفعولها وناس كتير اتصابت " أيام هوجة الإنفجارات "

 

 

“لِأَنَّهُ هُوَ يَجْرَحُ وَيَعْصِبُ. يَسْحَقُ وَيَدَاهُ تَشْفِيَانِ.”
أَيُّوبَ 5:18


زي مابيسمح بالجرح هو اللي بيعصب
======================


اوقات ربنا بيسمح بكسر خاطرك علشان ينجيك من جرح أو أصابة مؤكده
يسمح بكسر خاطرك بحبيب يسيبك علشان ينجيك من اسلوبه الجارح بعد الجواز
• يسمح بكسر خاطرك في مجموع الثانوية العامة علشان يبعد عنك كلية مكنتش هتمشي فيها
• يسمح بكسر خاطرك بحلم كان نفسك تحققه علشان كان هيقلب بكابوس
• يسمح بكسر خاطرك بجنين يموت او تأخير في الإنجاب علشان يرحمك من طفل معاق مكنتش هتتحمل إعاقته
• يسمح بكسر خاطرك بإبن زي الورد ينتقل أو زوج أو اب أو ام وهم في كامل صحتهم نتيجة حادث او ما شابه ، علشان يرحمك من صوت صراخهم نتيجة مرض ملوش علاج ، وبدل ماتتوجع مرة تتوجع عليهم الف مرة وانت مش قادر تخفف عنهم الألم


تأكد ان ورا كل كسرة حياة جديدة مبهجه
مقولة اللي اتكسر يتصلح ده بتنطبق على ربنا
زي مابيسمح بالكسر هو اللي بيصلح
زي مابيسمح بالجرح هو اللي بيعصب

بيسمح بالتجربة على قد قدرة إحتمال صاحبها
علشان كده التجارب بتختلف من شخص لآخر ،،
لإن #الرب_صالح

منقول

 


 

comments

لدعم الخدمة ماديا اضغط هنا

x

"الرَّبُّ حَنَّانٌ وَصِدِّيقٌ، وَإِلهُنَا رَحِيمٌ" (سفر المزامير 116: 5)

Developed in conjunction with Ext-Joom.com