--- تابعونا في برنامج شبابي جديد "واقع تاني" علي قناة الكرمة 1 الجمعة الساعة 1 ظهرا والسبت 2 صباحا والثلاثاء 6.30 مساءا   --....... شاهدنا علي قناة الكرمة برنامج " جه وقتك " البث المباشر كل يوم خميس الساعة 9.30 م بتوقيت القاهرة ...الاعادة السبت 3 ظهرا وعلي قناة الكرمة 2 السبت 9 مساءا والاحد 10 صباحا ----

إلى كل رجل

بقلم كل سيدة مظلومة تتحدث اللغة العربية أتمنى أنك تعرف أن كل سيدة هي جوهرة ثمينة...فقدرها لأنك مش هاتعرف قيمتها إلا بعد ماتفقدها.
في سن معين من الحياة راعي شعوري من فضلك حيث أن كل سيدة  تمر بسن اليأس أثناء الدورة الشهرية وقبلها وبعدها بتكون أعصابنا مشدودة فأرحمني،
مزاجي متقلب، ولا أطيق أي شئ فأفهمني من فضلك لا تنسي انه علي عبأ كبير ألا وهو: علي كل مسؤليات البيت من الغسيل والطبيخ وبالأضافة إلى ذلك: أهل الزوج والنظافة والمشتريات والمكواة بالاضافة لعملي اطلب من الله أن لا تندم على زواجك مني المرأة تحب دائما تسمع زوجها يقول لها انا باحبك ولكن الرجل الشرقي يكره ذلك بطبيعة عاداتنا وتقاليدنا الشرقية فياريت تكون انت اول واحد تكسر القاعدة ديه... ساعتها يابختك.المرأة بطيبعتها مخلوقة حساسة.لوأسعدتني هاسعدك لأني بطبيعتي كسيدة عايزة أعيش سعيدة
أوعى تنسى إن الشجار بين الزوجين يخلق رجل محطم ، وزوجة عصبية ، وأولاد لا يشعرون بالأمان.لو بتحب أولادنا... من فضلك راعي شعوري وشعورهم
 ( من اقوال النساء عن الرجال:)لو فكرت ان زوجتك موجودة فقط لخدمتك فأنت انسان انانيلو سرقت حقوقها كأنسانة مخلوقة على صورة الله فأنت أنسان حرامي
لو مديت أيدك عليها أو أذيتها فأنت أنسان وحشي لو حرمتها من حريتها فأنت أنسان متخلف لو قللت مصروف البيت فأنت بخيللو اهملت أهلها واهتميت بأهلك فأنتلو ابتسمت لزميلتك بالعمل ولم تبتسم ليها فأنت خائن في نظرها لو خرجت من البيت كثيراً فأنت بتخونها لو قارنتها بسيدة أخرى مهما كانت فأنت بتكرهها وهي مش مالية عينك
أخي العزيز: ياترى أنت مين فيهم؟اتمنى من كل قلبي أنك تكون أنسان مختلف عن الناس ديه كلها...  
اتمنى انك تخاف الله وتراعي زوجتك وتحبها وتخاف عليها لانها بتحبك بس ماتقدرش تقولها... وماتستغناش عنك بس ماتقدرش تعبرلك.... وتتمنى رضاك بس مش طايلة..... وعايزة تعيش سعيدة بس مش قادرة.من فضلك حط ايدك في ايدها واعتبرها بني آدمة زيك وابدأ من جديد وخذ يسوع من نصيبك فتعيش سعيد. وساعتها هاتحب زوجتك كما احبها المسيح وزي ماوصاك تحبها
أخي العزيز اطلب من الله ان يجعلك تنظر لزوجتك بعين الله الذي أحبها ومات لأجلها بالظبط كما أحبك انت ومات لأجلك.
في النهاية نِفسي أسألك سؤال:
ايه اللي هاتخسره لما تقول لزوجتك أنا بحبك؟؟؟ هل الدنيا انتهت؟ هل ده هايقلل من مقامك او رجولتك؟ هل كرامتك هاتتهان؟ هل هي هاتركبك زي ماكثير بيفكروا؟ هل الدنيا اتخربت؟
نفسي اعرف لو قولتلها كلمة حلوة مُشجعة ايه اللي هايحصلك؟
اوعى تنسى ان ممكن قوي بيتك يتغير وحياتك تتبدل وترجع شباب من جديد وكمان ربنا هايرضى عليك صدقني لانك بتعبر عن حبك للأنسانة اللي ربنا اعطاهالك.
كان ممكن ربنا يعطيها لرجل آخر( يمكن حد فيكم ديلوقتي بيقول.... ياريت) لكن الله إأتمنك انت بالذات على الست ديه الغلبانة.
فأرجوك خلي بالك منها وحطها في عينك عشان خاطر المسيح.  واوعى تنسي ان الله خلق حواء من ضلع من ضلوع أدم جنب قلبه عشان كل راجل فيكم يحط مراته جوة قلبه
الرب يباركم وهنيئا بالحياة السعيدة لو حاولتوا تعملوا حاجة من اللي ذكرتها في الربع ساعة ديه
ما تتمناه المرأة من الرجل:
انفسي يكون عندك الأذن الصاغية وخليني اعبر عن اللي جوايا
اسمع لي عندما أتكلم لتعرف ما في قلبي
أعطيني انتباهك- وجزء من وقتك- احترم رأيي ومشاعري
أغفرلي لما أغلط وأعترفلي لما أنت تغلط أمدح في ولو مرة في السنة. قولي كلمة حلوة وكلمة تشجيع وبلاش النقد المستمر
نفسي أسمع منك كلمة شكراً بعد تعب النهار والمجهود الجبار. راعي شعوري قدام  أهلك عشان همة كمان يحبوني وماتهدش شخصيتي قدام الأولاد
اوعي  تلومني على كل خطأ بيحصل حتى لو مش أنا السبب فيه. حس بي لما أكون تعبانة وماتزودش الضغط علي حسسني بأني أنسانة مثلك وأسمع رأيي يمكن يكون صح ف يوم من الأيام
من فضلك حبني بطريقتي أنا مش بطريقتك انت- أكيد عارفين لغات الحب الخمسة
اوعى تقارني بسلفتي أو بزميلتك في العمل.
لما تحب تعاتبني خذني على جنب وكلمني بحنية وابتسامة رقيقة لأني اناء  ضعيف
لا تكن مبذراً ولا تكن بخيلاً فكلاهما مكروهش
كن رجلا في نظري. كيف؟
شأوعى تنسى أن احنا فريق واحد...... إما نكسب معاً أو نخسر معاً.
ساعتها بقى؟؟؟ هانعيش في سلام وأمان وحب وأحترام.
{fcomment}
comments

لدعم الخدمة ماديا اضغط هنا

x

"حَنَّانٌ وَرَحِيمٌ هُوَ الرَّبُّ" (سفر المزامير 111: 4)

Developed in conjunction with Ext-Joom.com